A：入DJ班有咩好？
B：入DJ班真係好好架！
A：點好法啊?
B：超好囉。
嗱嗱嗱，想入DJ班的話，就唔好講埋哂啲咁「行」嘅嘢，唔係只會俾人插。( tips嚟架！)
入DJ班，究竟學到D乜？得到D乜?
1) 識到一班有共同夢想，共同興趣嘅朋友
入到嚟第一日大家根本就唔熟識，但短短數個鐘頭，就可以變到一班識咗好耐嘅老朋友。仲可以廿個人坐埋一台食飯，有傾有講，笑個不停。點解可以咁投契？咪就係因為我地有共同夢想同興趣囉。
2) 想講就講，有嘢就問
DJ班係一個好嘈嘅地方，因為大家都好鍾意發表自己嘅意見。啱啱學寫稿個陣，成日都好驚自己寫得唔好，寫得差，於是就成日捉啲師兄師姐係咁問，請佢地俾啲意見，啲師兄師姐個個都會好樂意幫你，師兄師姐同導師嘅意見，係令你寫稿有進步嘅原因。
3) 寫稿一個POINT就夠
初初寫稿個陣成日都會好貪心，好想係一分鐘耐有幾多POINT講幾多POINT，話你知，咁貪心的話，聽嗰個只會諗究竟你喺度講緊乜，或者係你想講乜啊? (好大TIPS! )，當你上得堂愈耐，聽comment同俾comment得愈多，唔難發現自己嘅改變。
以上就係我入DJ班後嘅得著同感受。
講多句，入DJ班最緊要唔怕瘀，多發問，敢言，多跳出框架，用多啲角度去諗嘢，怕辛苦怕樣衰的話，我只可以同你講拜拜~
2011年新新DJ亞霖 (下圖左一)
一起重溫亞霖的首次登場吧：
